أطلبك يا الله

رثاء في الشيخ يوسف بن بدر بن درع-رحمه الله.
يا بو فهد نبكي شيوخ القبيله
ونحزن على الطيّب ونبكي ليا مات
أهل البيوت الشامخات الظليله
اللي لهم باصلاح ذا البين وقفات
أهل العزاوي والخيول الأصيله
يومنها ما بين رده وهدات
ويوم اخضعت لمحصّلين الفضيله
علىعهود أهل السيوف الصقيلات
يوسف بدر له المواقف نبيله
صدق أوفاء عهدٍ وإقامة صلوات
على القبيلة ما يحوش الرذيله
بنعم لا جاء اسمه يلجِّن الأصوات
بيته مقر أهل الوفاء والنفيله
أهل الدروب الساميات الرفيعات
مرحوم يا شيخٍ تقافى رحيله
الوافي اللي ما نهج درب زلات
أخو عرينة قل منهو مثيله
في وقتنا الحالي وفي فايتٍ فات
يا الله يا منشي المزون الثقيلة
ياباعثٍ يوم الحشر كل الأموات
أطلبك يالله يا منجّي دخيله
بدّله السيئات يا رب حسنات
يا واحدٍ في ضيقنا نلتجيله
ويعيننا بالصبر في كل الأوقات
عيسى كتابه في يمينه يشيله
على صعيدٍ تجتمع فيه الأمات
نرفع يدينا والدعاء لك وسيله
نطلبك وأنت اللي تجيب الدعوات
ومن خلّف ارجالٍ له اسمه تشيله
من مشرقه لهم أفعولٍ وخطوات
الشيخ بدر عمره الله يطيله
مع درع شيّال الحمول الثقيلات
وباقي عياله نهجهم للجزيله
هاك الشبول اللي بهم منه ميزات
نايف بن فهد بن سمران الطريسي