اسمك فخر

كان لوفاة والدي قيران بن مسدّح العنزي - رحمه الله- الأثر والحزن الكبير ومما خفّف مصابنا بفقده تعزية سيدي صاحب السمو الملكي الأمير سلمان بن عبدالعزيز آل سعود أمير منطقة الرياض -حفظه الله ورعاه. وسمو سيدي له وقفات كبيرة وعظيمة مع كافة ابناء الوطن يشاركهم بأحزانهم وافراحهم وهذا ليس غريباً على ولاة امرنا -حفظهم الله. حفظ الله لنا مليكنا وولي عهده وسمو النائب الثاني وادام عز الوطن ورفع راية التوحيد خفاقة الى يوم الدين
يا ابوي فقدك والله أكبر مصيبه
واحزاننا ما تنتهي لولا الإيمان
من يوم شيدنا عليك النصيبه
اصبر واخفي هم وبقلبي احزان
اسمك فخر لي واحمله واعتزي به
أنا ومنهو شرفه اسم قيران
إن كان زولك له عن الدار غيبه
ذكرك معانا باقي كل الاحيان
في غيبتك موجات حزن وغليبه
باثرك نمشي وابشر العهد ينصان
كفنك رايه بالفخر مكتسي به
كثيره شهودك من القلب ولسان
يشهد لك المديون وايضا طليبه
كف العطا يمناك من ماض الازمان
ينبوع جودك ما يوقف صبيبه
بيت الشعر يشهد صياني وخرفان
عسى اجرها ظل الغصون الرطيبه
جنة عدن مدخلك مع باب رضوان
ومن شاركونا في نهار المصيبه
الحمد لله عندنا ربع واخوان
في تجربة فرقاك لو هي صعيبه
راع الجحود اقفا وراع الوفا بان
اهل الوفا اولهم غمرنا بطيبه
يا ابوي من بعدك لنا الأب سلمان
جانا اتصاله بالظروف العصيبه
وساعة لقانا ضمنا بين الاحضان
الوالد اللي بالخطر نحتمي به
امير نجد وفيه نجده وإنسان
حصة اسد من كل عليا نصيبه
خمسين عام كلها عطف واحسان
مواقفه تعرف وما هي غريبه
فتاح بيدينه للافراج بيبان
يعتز منهو سيدي يعتني به
وليا حضر منه انخزى كل شيطان
بحاجاتنا وظروفنا نلتجي به
وباعمارنا نفديه يوم الردى خان
الله يطول عمره ونهتني به
منا الوفا هو والثنا خير الاثمان
سلمان له في مركز الحكم هيبه
راس العلم كل يشوفه بالاعيان
شعرالملازم/ عامر بن قيران العنزي- الرياض