نار المحبة

يا طبيب الهواء مدري طبيب القلوب
كان عندك دوا بالله عطني دواي
المحبه بقلبي مثل نار شبوب
ذابت اضلوع صدري والسبايب مناي
يا ظبي العدامة يالغنوج اللعوب
انت سبة جروحي وانت سبة بلاي
امري اللي بعد شفتك عليه مغلوب
شلت والا ابيت اليوم معلن ولاي
صرت ذنب عليه من كبار الذنوب
انت والوقت ضدي والقراده عصاي
كل ما اقبل ظلام الليل عند الغروب
اذكر الصدفه اللي اجمعتها معاي
رحت عني وضيقت السعه والدروب
ولو ابطرد سراب اللال ما روي ظماي
ليت ما زرت صيف ابها ورحت الجنوب
كان مرتاح بالي قبل زلت اخطاي