يجزاه ربي

في رثاء الشاعر الكبير المرحوم بإذن الله هواش بن عايد السليمي الحربي رحمه الله
يا الله يا اللي تسترد الوديعه
إنك على درب الصراط تهداني
يا من له الدنيا وما به مطيعه
أمره قضى ما ينقصي بأمر ثاني
دورات فلكه بالأوادم سريعه
أسرع من رماش البصر والثواني
بآخر خميس بشهر ستة فجيعه
واللي دها ماجد بيومه دهاني
يوم فصل بين الرجاء والقطيعه
رحل وحنا مهطعين الاذاني
مرحوم يا تالي الحصون المنيعه
بالشعر والوقفة ورمز السناني
لو ما أشعرت فقده وجيههٍ وسيعه
تشعر به قلوب الرجال الذهاني
لا جاء لسوق الشعر سوقه وبيعه
يهاب هومات الحمى مكلماني
والخصم ما يلقى دروب وذريعه
قدام أبو ماجد طلوعه طماني
عسى النبي المصطفى هو شفيعه
ويجزاه ربي في وسيع الجناني