مختارات شعرية

ولا والله إلا دوبحنا الليالي
قفن بشيمات العرب والمرواه
قفن ولا خلن للأجواد تالي
إلا ذميمة واحد وين ابلقاه
العود يوم انه يجيب العيالي
يبي بتالي العمر لذه وطرباه
وله أيضاً رحمه الله:
اليا بغى المسيار قلبي ونوه
الرجل تمشي لك بليا عزيمه
وإن ما لقيت الباب قبلي مفوه
النفس له عن طقة الباب شيمه
الشاعر سليمان بن عبيد بن حتيرش - رحمه الله -
دنيا تغير كل يوم لها لون
الله يكافينا وفيها الكفايه
فيها الحياة ألوان والموت مضمون
تعطي وتاخذ ما عطتك النهايه
الشاعر راشد بن محمد المشعان - رحمه الله -
الله من قلب غدا الفين والفين
غدا شتات وبيح الله كنينه
قلب الخطا كثرت عليه الشواطين
يبرم كما تبرم سلوك المكينة
الشاعر محمد بن خميس البقعاوي - رحمه الله -
ليه يا عباس بيته ما نمره
كيف تنحى واحدٍ للزين ساري
العنود سهيل والبيض المجره
فرقهن فرق الفتيل عن السواري
الشاعر سعد بن حسين العمرو
الحي عده ميت لو عاش ما مات
ما دام له فعل يشوه حياته
واليمت عده ما دفن وسط الأموات
ما دام كلا يمدحه في صفاته
بدر بن محمد العتيبي
بقعاء