موجز أخبار

عينك تعلمني خفيات الاسرار
من نظرتك حللت بعض التفاسير
قريت فيها ما حصلك وما صار
فكرك مشتت واشغلتك التفاكير
شكلك يقول: انك عليك الزمن جار
عطني همومك كلها دون تقصير
وأشيلها عنّك لو احمولك كبار
لا تعتذر مابه للأعذار تبرير
ماني بقابل لو تعذرت الأعذار!!
ما تدري أنك: لك محبه وتقدير
وإنى على نفسك؟ من همومك أغار
تطري عليّ بلذة النوم ويطير
شفتك وعن عيني لذيذ الكرى طار
وعبرت عن ما كنه القلب تعبير
قصيدة عن حبنا موجز أخبار!!
واللي حصل عله عن الذنب تكفير
تخفيف لذنوبك وتسلم من النار
أرقد وخل الهم.. تصبح على خير
واتركني أخذلي مع الهم مشوار!!
محمد سعد المغيري /عفيف