مو فاضي

المشاعر مجدبه...
والقلب فاضي...
إرحلي لا يذبحك هذا الجفاف...
واهجري هذي الاراضي...
بسمتي لا تخدعك...
مجبور لو تدري على البسمه أنا...
مشرق حضورك جبرني...
كنها بتودعك...
كنها نصل وعبرني...
واعترضت...
وانصلب في هامش الوقت إعتراضي...
دوري لك عن سخيف آخر...
أنا مليت من زرع السباخ الموحلات...
ومن فياضي...
كنت فاضي للهوىأول...
ولكن للهوى...
اليوم مو...فاضي
ولا على هالاراضي...
يا من وقفت بحارة أحزاني...
بربك وش تشوف؟
إلا الحجاره وكشرة الأبواب...
تعاظمت شمس الهموم بساحتي...
ولا عادت تجود إلا بسراب...
ما يفهونك...
شاعر ولا تفهمك إلا الحروف...
الذابلات بحنجرة مرتاب...
سعادتك مو بالذهب...
وتعاستك مو بالحتوف وكذبة الإرهاب
عكس إحتمالات المهب...
تعاند رياح الظروف وتضمحل غياب...
الذيب ف عيون العرب...
تشوفه بعينك خروف...
يسوقه القصاب...
شاعر ولا تفهم وش اللي صار...
الناس طارو في هوى وغبار...
وإنت بسراديب الوهم تدوّر المحراب...
طيّب ولا تشعر بك الأصفار...
شاعر ومالك بالملا تكرار...
ومسترخي الأعصاب...
أشطب على الأحباب لو تقوى...
وخل الحكم للقاضي...
ولا على هالأرض راضي...
كنت أجاهر بالوجع...
واحسب رفيقي لا وقعت يقول آه...
وكن افتري بالآه...
وادوّر ابن العم في دمي ولا القاه...
الحب وش صابه هجرنا...
واغلا وش جاه...
ليه إنطفت بهجة سهرنا ...
واختفت قمرها...
ي آنسه فيني صداع...
هزّي فناجيل الوداع...
استودعك رب الضعوف...الطيّبين...
الحافظ اللي في سماه...
غيبي ابا أشرب باقي الأحزان ...
وارقد للمسا...
غيبي ولا تقولي نسى...
قولي دخل صحرا...وتاه...
العشق ماهو لي...
انا والعشق زعلانين...
العشق من يقواه...
خليني بحالي...
وخلي مغازلك بعدين...
ما عاد فيني آه...
ولا عاد ابي شي من الماضي
ولا راضي...