حرف حاير

يا لله انك تسعف الحال وتقود النجاه
والرجا يا رب من رحمتك لا تقطعه
استجب لي دعوة في سجود في صلاه
وفرق أحزاني.. وشملي مع الترف اجمعه
الحبيب اللي دعاني وكلي من غلاه
رهن اشارة سلهمة طرفه وراس اصبعه
جايودعني وأنا توني بأول هواه
يوم قلبي جاهل وخل جهله ينفعه
كل حرف حاير بين الألسن والشفاه
وكل حزن ثاير بين عينه واضلعه
ماهقيت ان الوداع أصعب ظروف الحياه
لين ودعت السعد يوم جيت أودعه
لين شفت العاشق اللي وحيد في خلاه
يلمح الزول المباري ولو محد معه
وان جلس بين الوجيه وطراه اللي طراه
يسمع الحس المنادي وهي ما تسمعه
تشكي قلوب الخلايق وكل واعناه
بس قلب ما شكى من غلاويش سنعه