وصية قلب

يوم قلت (أحبك) قال قلبي فديته
مو بس إنت اللي تحبين طاريه
أنا ملكني وأمتلكني وعطيته
وعد على حبه ولاني بناسيه
تدرين.. لو لا أزعلك كان جيته
يلمني من دنيتي وأهتني فيه
وتدرين.. لو لا عزتك ما أحتريته
يقول (أحبك) يكفي إني بأياديه
وتدرين إنه دون غيره هويته
وإنه الوحيد اللي سكني وراضيه
لا تغالطي نفسك ترى القلب بيته
وروحك إذا يأمر عليها بتعطيه
وادرى ما بينك وبين عقلك طويته
فرحك.. ولكن القدر من يباريه
قولي لعقلك إن قلبي نهيته
وقولي وش الي ممكن إني أسويه
بيد حبيبي صار قلب رجيته
وحكم القدر يا ما جمع في مساعيه
وتعذري لي وأحلفي ما رميته
قلبك لغير اللي من الناس شاريه
يا شينها الدنيا قبل ما لقيته
والله أحبه وأعشقه حيل وأغليه
قبل أعرفه يا ما كلامه قريته
ما كان ليه.. بس أنا مولع فيه
واليوم صار بدنيتي واحتويته
وأعشق كلامه لاحكي قلت لبيه
لو يطلب عيوني بها ما جزيته
تفداه روح همها بس ترضيه
يا ما على شانه قصيدي بنيته
وياما سهرت بليل بعده أناجيه
في غيبته حزني بدمعي رويته
والكل يسأل عن سبب حزني وليه
وبأحلامي والله ما سهيت ونسيته
من ناظر عيوني عرف كل ما أخفيه