حنا رجال الوطن والحق والمله سواعد القائد اللي لا أمر جينا مأيدين الملك وموحدين الله وموثقين العهود ف.. درب أهالينا كم اعتبرنا بفرق الشمل والخله بين الدول والله الوالي معافينا ومختل خاين خرج بعقول مختله أعمى عمى قلب لو هو مبصر العينا ومنجومة الظهر جت شله ورى شله كنه تحسبه صلاح ونصر حطينا تتبع مضلٍ ضلال أفكاره مضله وصاحين له شعب وجنود وسلاطينا باكر تبيعه تعين له تعين له حصيلته لعنه ونار وحصاتينا من زل درب السنع يالتايه اندله يا خاين الله وبيت الله والينا يا ضايع العقل شوف القدس محتله من وعد بلفور شغاله تعازينا الدين ينبذك لو أنك تشكله من مولك ليه ما مول فلسطينا ما عاد فيها عسى وليته ولعله العايبه تنقطع لونها أيدينا وإلا وطنا ترى أمتنا تقبله ودايم بحكم الشريعه حكم قاضينا وحكامنا من كرمها الشعب ملكٍ له وإلا اللئيم يتمرد مع معادينا وفهد فهدنا وعزٍ للعرب كله وقفته لا ضاعت الحيلات تشفينا صفوة ملوك العرب يمناه عبدالله الله من ميلة عقاله لا يخلينا وسلطان حلّال عقد مبهماً حله ونايف ضفاف الأمان وممّن المينا حنا أسود الوغى ما نعرف الذله ناطى على الجمر ما نغير مبادينا وأن زلزلت بالجيوش وجات منهله تقصر أيدين العدى عن لمس أراضينا فينا الشجاعة ولطم الصايل جبله والحور في فردوس الجنه تنادينا إذا مشينا على الطاغي لنا طله تعمي عيون الحقير اللي جهل فينا والحاقد اللي يسن الضرس من غله حصيله يموت من غيظه ويفدينا من يوم كنا نشيل السيف ونسله وحنا على القمة العليا مواطينا اللي يبينا يجينا ليه ننزله الله رفع شاننا منهو يوطينا حنا مع العز نمشي كننا ظله والله ما لله خلق شعبٍ يضاهينا أهل المساجد ودرع الحرب والدله على المكارم ورفع الراس ربينا بواسل ما نطيق الضيم والزله نموت موت الشرف نصعد لبارينا وحنا ترى من وطاه الوقت مركله من سالف الوقت حاضرنا وماضينا يشهد لنا الله وبعده كل خلق الله أنا خليفة هل الهجرة ويكفينا وحنا رجال الوطن والحق والمله وفهد على النار لو يشر لنا جينا
