الموت حاصل

قصيدة رثاء في المرحوم الشاعر القدير عبدالله بن سعود بن سيف السهلي رحمه الله
أستغفر الله حاربت عيني النوم
من يوم جاني علم عبدالله السيف
مرحوم يا بن سيف مرحوم مرحوم
ياللي تحط الكيف وتزود الكيف
قليل شكلك كان ما قلت معدوم
يالي لضيف الله تحمل تكاليف
ما نجحد أفعالك وبالفعل زيزوم
حرصاً على الكرمة سريع المحاريف
ما لك لمديونٍ من الدين مظيوم
من جود جودك يا رشيد المعاريف
ذكر الصخاء يبقاء معي دايم الدوم
عن شاعر الأمثال صعب المواقيف
أبو سعود بكل مجهود وعزوم
ما يتخر عن واجب الجار والضيف
لكن الأجل ما منه فر محتوم
الموت فرّاق القلوب المواليف
يا ما خذا من رأس طيب وشغموم
صقر لياسولف تزين السواليف
معلوم لو ما نعلم الغيب معلوم
الموت حاصل لو بعد حين ومخيف
يا عيال من يرسم هناديب ورسوم
أدعو لبيكم وأطلب الرب تخفيف
تخفيف ذنبه لو صدأ الذنب مركوم
الله رحوم ويدري أن عبده ضعيف
قيوم ما غيره على الخلق قيوم
كون لنا البيدأ ورؤس المشاريف
عساه يرحم حال من بات مهموم
بصارع أهل الزيف هراجة الزيف
شذابة الغافل مع السب واللوم
تسقف وتلقف والغلاباء ملاقيف
الكل منهم في متاهه ومنجوم
ويخطفون الصح باللح تخطيف
منطوقهم كنه عن الصدق محجوم
يا من تورّى فيهم أشوي وتعيف
ولعل عبدالله من النار معصوم
ومسكانه الجنة نعيم وهفاهيف