حلول اللغز

نشرنا في الأسبوع الماضي لغزاً كتبه الشاعر محمد بن حمد البدر يقول فيه:
انا ابنشدك عن رجل يخص انسان دون انسان
ولا ينفع سوى من صاحبه لو طالت السيره
تصرف به امور كثار بامر الواحد المنان
ولا ياكود ياهل العرف عند الناس تزويره
وجاءت الحلول الصحيحة كما يلي:
يبين الحق والصدق ابشموخه فارس الميدان
مثل نور القمر نص الشهر لقبل على الديره
الا يابن بدر لغزك لقيته وافي مليان
قريته واتضح للي حله الاول ولا غيره
ليا منه تساوى الشكل والاحجام والالوان
على وجهه الحقيقه بان توقيعه أثيره
الزلفاوي
ع الابداع لك موعد ضحى الجمعه على العنوان
ليا شع الفرح نوره تغني لك عصافيره
صباح الياسمين الطايفي والورد والريحان
صباح النور يا صبح المطر والخير والخيره
وفيت وجبتها يا وافي اليمنى بلا نقصان
على الجزله ظهر توقيع واضح ما ظهر غيره
محمد بن عبدالكريم الغزيالزلفي
هلا يا مرحبا باللغز واللي يبدع القيفان
من اللي جاب حل اللغز من فكره وتفكيره
هذا ختمي وتوقيعي على ما كان مهما كان
هذا حلي وكلاً جاب يا اهل العرف تفسيره
عبدالهادي فهاد العرجاني
الافلاج النايفية
ضواني الليل عقب الصبح وانا في لغزكم غرقان
اوهوجس به وصار الحل في يمناي تدبيره
اوقع لالفاني كل معجب من جميع انسان
على ما اراد له ذكرى وانا ابي منه تذكيره
فهد العليالرياض
يابو ريما حلول اللغز عند الشاعر الفهمان
يحللها ولو اعقودها في قمة الحيره
ولغزك حله التوقيع يالشاعر كبير الشآن
وسلم واستلم حلي,, ترى ما عندنا غيره
محمد المويعزيبريدة
هلا يا مرحبا يا شاعر شعره على الميزان
بيوت الشعر يازنها ويحكمها بتفكيره
قريت اللغز ياكوده وياهونه على الفهمان
تواقيع الاوادم تختلف بصمة وتأشيره
عبدالله بن علي الخليفالرياض
الا يا مرحبا واهلين باللي يبدع القيفان
وبدع لغز جميل وصاغ ترتيبه وتعبيره
ولغز البدر مثل البدر انا اشهد واضح البرهان
هو التوقيع والا ان خاب ضني يالله الخيره
عبدالله بن سعود الدغيثرضرماء
جواب اللغز حررته وياصلكم على العنوان
عقب مني ماخذ وقت بتحليله وتعبيره
محمد يقصد التوقيع حل اللغز يا الاخوان
واذا ما كان حلي صح فقولوا يالله الخيره
صالح بن محمد المحيميد
بريدة
محمد ناشراً لغزاً جميلاً ياولد فنان
انا ساعة قريته بان لي حله وتفسيره
وجاك الحل مني كاملاً ما يلحقه نقصان
انا اقول انه التوقيع هو صاحبه بيديره
سعود بن فراج السهلي
يقول اللي ليا منه قرا لغز وهو مليان
يجيب الحل في سرعه ولا يبحل بتدويره
ولاودي اطولها عليكم نختصر ياخوان
هو التوقيع خص يا عسى الله يكتب الخيره
حماد جزاء الحنينيضرية
هلا يا مرحبا ترحيبة بأسمى الرضا تزدان
تباهى بالغلا والا الفرح عاشت تباشيره
لها عند العرب قدر,, ولها ياهل الوفا حسبان
على وضح النقا والهرج ما حاشت محاذيره
ليا جلبت تسام وتنشري لو غليت الاثمان
صليب الراي يشريها ولو زادت مخاسيره
والا يابو رياض الحجة اللي صاعها مليان
ابد ما ظنها تحتاج توقيع وتأشيره
فهد الجروانالزلفي
على ذكر العلوم اللي تسمى بالهروج سمان
هلا حييت ياراع الوفا,, يا طيب السيره
ترى لو حارت هجوس العرب مانيب انا حيران
اصوب للهدف واميز التوقيع عن غيره
سليمان بن عبدالله النتيفي
الزلفي
الا يا مرحبا باللي عرفنا لغزه المليان
وعلى راعي الوفا والطيب مني اليوم تقديره
ترى هذا هو التوقيع ولاني يالبدر غلطان
اقول لصاحبه يابو حمد صعب على غيره
محمد بن عبدالعزيز الخنيفر
اشيقر
محمد فالجزيرة جاب لغز وافي ومليان
من الزلفي لنا جابه يبي حله وتفسيره
وانا فكرت في حله وبان الحل ليه بان
انا اقول انه التوقيع حل اللغز ماغيره
سعود بن شنار السهلي
الا يا مرحبا بك عد ماهل المطر هتان
سلام وافي مني ولغزك جاك تفسيره
هذاك اللي تقول انه يخص انسان وبه له شان
تعداني ووردته والى التوقيع ما غيره
جار الله محمد الغزي
الا يا مرحبا بالشاعر اللي يبدع القيفان
معانيه الجديده ما طرقها شاعر غيره
تراه استاذي البارع وانا تلميذه الفنان
انا التلميذ والواجب علي اليوم تقديره
يا بو رياض تشهد لك بيوت تلهب الوجدان
وانا بالحيل اوقع لك على شعرك وتطويره
عطا الله بن سليمان العطا الله
ترى شوف الجزيرة يالقثامي يبعد الاحزان
مثل ما قلت مالك غيرها يا طيب السيره
انا مثلك مزاجي لا تصفحت الجزيره زان
على كثر الصحف قبل الظهر تقضي من الديره
لكم ياهل الجزيره صادق التقدير والعرفان
عسى ربي يوفقكم لدرب الخير والخيره
جزاء الاحسان ياهل المعرفه والجود بالاحسان
على ما قول اوقع والله العالم ولا غيره
الايمن
عرفت الحل يالغالي يقوله واحد فهمان
بلحظه من قرا لغزك وهو مجيب لتفسيره
ترى التوقيع هو حله بلا زود ولا نقصان
الا يصعب يا محمد على الرجال تزويره
صالح عبدالله التميمي
الرس
الى منا بغينا الدرب نمشي مانبي عنوان
طريق الشعر والالغاز ما تتعب مشاويره
الا يابن حمد لغزك جديد وافي مليان
جميل الوزن والمعنى دقيق بكل تصويره
عرفت الحل واظنه لبعض الناس مثلي بان
لكل انسان توقيع ولا له بالشبه غيره
مشاري خالد الدعجاني
هلا,, يا مرحبا,, ترحيب مثل المسك والريحان
هلا,, بالشاعر اللي جازلي نظمه وتعبيره
كتب له,, لغز في معناه اشوفه وافي مليان
وترى التوقيع حل اللغز,, ظني ما يجي غيره
زهران عون الله المطيري
بريدة
لغز الأسبوع
انشدك عن بنت عظيمة لها شان
بنت ذكرها الله وبين عملها
بنت لها في محكم القول عنوان
يا كبر ظلم الجاهل اللي حملها