التعالي

ما قلت لك ما طار طير وارتفع
الا كما طار وتحداني يطيح
مردك لدربي تجيني مقتنع
نادم وضايع وبجناحينك جريح
آسف حبيبي ماني قادر استمع
كل الكلام اللى تقوله ما يبيح
كان الخطا اكبر من انا نجتمع
ونوضح الغلطه ونرجع للصحيح
دامك تجاهلت بغرورك مجتمع
واصبحت عاشق للمظاهر والمديح
وش لك بطير لا يطير ولا وقع
عايش حياته ما قرب درب المطيح
لا تحسبني في رجوعك با ندفع
اصلا نسيتك وانتهى وقتٍ شحيح
ما قلت لك خل التعالي والدلع
هذا انت مسكور الجناحين وطريح