وطننا.. يا وطن خادم بيوت الواحد المعبود

وطن شعب موحّد للإله.. وبايع آل سعود
رضى في حكمهم.. في شرع عالم غيب الأجيالي
نعم أيها الشاعر إنها بيعة حق لمن يستحقون الحكم لأنهم نهجوا طريق الأخيار من أسلاف هذه الأمة رحمهم الله حكموا الشريعة ونبذوا كل ما سواها.
إنهم آل سعود منذ الدولة السعودية الأولى أقاموا أسس الحكم على الشرع القويم فاستقام لهم الأمر بإذن الله تحقيقاً لوعده جل وعلا {وّلّيّنصٍرّنَّ اللهٍ مّن يّنصٍرٍهٍ} الآية.
وسنظل صفا واحدا في وجه كل معتد حتى وان كان من أبناء جلدتنا كما هو حال الفئة الضالة التي روعت الآمنين واخافت المستأمنين ودمرت المنشآت بلا وجه حق.
وهم من تتحدث عنهم هذه القصيدة للشاعر المعروف دحيم النومسي:
وطنا يا وطن خادم بيوت الواحد المعبود
عساك بعز دايم يا وطن وافين الفعالي
حماك الله يا موطن هل التوحيد وهل الجود
شعوبٍ في رضى الله يبذلون الجهد والمالي
وطن فيك المساجد عامره دايم وهي في زود
وصوت الحق دايم مرتفع والشكر للوالي
وطن شعب موحد للإله وبايع آل سعود
رضى في حكمهم في شرع عالم غيب الاجيالي
عساك مجار عن غدر الليالي والنوايا السود
وعن ما يحتوي مفهوم ناسٍ ما لهم فالي
خفافيش الظلام اللي ليا صار الطريق سنود
تبين فعلم والناس الأول يعرف التالي
نعرف اللي يجي فاضي يدين ومن يجيب الفود
ونعرف من يعز القوم واللي يلبس الشالي
ومن فعله يشرف ديرته لاذعذعن النود
ومن فعله خساره وصمةٍ ما عاد تنشالي
نعرف الحر الاشقر لا شلع طلعه بعيد حدود
ونعرف من يطالع بالقريب وصيده موالي
على كلٍ تبين فعل من فعله ما هو محمود
مصيره للتهالك بالنهاية شين الاعمالي
يبي يصفي البلد منهم وحنا للبلاد جنود
جميع الشعب يفدي موطنه بالمالي والحالي
جميع الشعب واحد من خرج منهم ما هو معدود
وجوده نقص من يرضى على داره بالاشكالي
حماك الله يا موطن هل التوحيد وهل الجود
عساك بعز دايم يا وطن وافين الافعالي