الولاء نبراس صدقة واحتماله القصايد وهاجسٍ يشعل فتيله في خياله صافح المجد ورقاله كل ما غنيت به واسرجت خيله زادني فخر وكساني من جماله اختيال الحرف واعذب سلسبيله الفخر في تاج تشريفه زهاله من كثيرٍ ما ذكرت الا قليله ارتوى شعري شموخه واختياله سيدي والمجد يخضع مستحيله لا وقفت بوقفتك معنى اكتماله عاش راس ما اعتزت نجد ببديله نورها اللي تاج عزتها استواله به وطن به شعب به عز وفضيله تكتسي من هيبته ارض الرسالة سيدي نور الجزيرة من مثيله شيخها شيخٍ حكمها بالعداله سيدي يا اشراقة النور ودليله من صفاتك يكتسي شعري جزاله يكفي انك نادرٍ من بين جيله لك ثناء التاريخ يا عطر احتفاله يكفي إن حماك ظل لمن يجيله فيه يأمن قبل يشرح لك حواله يكفي ان الجود كنز ترتكي له في مباديك الرفيعة والاصاله ويكفي انك من جعل عمره وسيله لاشرف الغايات وانبل ما سعى له ويكفي انك ذخرنا اللي نلتجيله بعد رب عزنا جل جلاله يا أبو فيصل كل مبدا تنتمي له أبسط أوصافه على غيرك محاله نادرٍ والبيض ما جابن مثيله بالمكارم.. والمبادي.. والشكاله كل كفٍ من كرم كفك طويلة عاش كفٍٍ مدّ من جاه وعناله الصغير بكل عطفٍ تحتوي له والكبير اجلال تقديرك يناله انت من بالجود غطاني جميله وانت مجدٍ عشت بحماه وظلاله وانت ابوي اللي رعاني واعتزيله اكتسى في هيبته واسعد بجاله يا فهدنا.. من مباديك النبيلة كل وصفٍ دونها تقصر حباله شعري اللي تاج تشريفك يشيله من شموخك عانق المجد ورقاله شعر الشيخ محمد بن إبراهيم بن عبدالعزيز البراهيم
