وانت مثلك ما على الدنيا شبيه نوره اللي ضيّع الليل وكساه شع من وجهك وانا اللي ضعت فيه ياذهب منك الذهب يبرق سناه حاسدينه فيك قالو واهنيه من شفاياك الشهد ياخذ حلاه والنسيم العذب بانفاسك يتيه والزهر يغشى بعطره من وطاه ويتعطر لاوطت رجلك عليه والبحر لو يشربك ملحه وماه كل كبد من ظماها ترتويه لو يجر السامري وصفك غناه اطرب اللي يسمعه لوهو سفيه وصفك اللي فارق عما سواه كيف اضمه في قصيده واحتويه؟ وانت من علمني بصادق هواه عن أصول الحب لا قالو نزيه وليلك اللي في المحبه من سراه ما بقى في العمر شي يرتجيه كلما ناظرت رمشك قلت آه ويش ابي بالقلب كانك ما تبيه ساهر بالليل وش له بالحياه وانت ما تسهر عيونك تحتريه ومن يلوم اللي نسى عمره نساه لاشبكت يديك عمري في يديه ان ضحكت الورد ينثر لي شذاه وغنت طيور الفرح ياليل هيه وان بكيت القلب مدري وش دهاه ليتك بعينك تشوف اللي يجيه سعد ابو ياخوخ من حقق رجاه يقطف اللي من غصونك يشتهيه نظرتك هي بلسم الجرح ودواه تشفي اللي كل جرح يشتكيه يا غرام قلبي أول ما بداه مستحيل اسمح لغيري ينتهيه ان حضرت العمر يرخص لك غلاه لو تبي عمري خذه.. من غير ليه وان طراك تغيب خذ مني وصاه ويش ابي بالقلب كانك ما تبيه؟
