بلاد الورد

مراويح السحاب اللي تلوح بروقها يا هلال
على الطايف عساها تنثر الماء لين ترويها
سحاب يختلط فيه الرعد والبرق الهمال
تميت سيوله اعشاب الوطا واعشاب تحييها
هماليله ورى نوضة بروقه كنها الشلال
تشوف الأرض وتظن السماء مشبوكةٍ فيها
يزيل الجدب وغبار السنين وقسوة الغربال
شهر لين العروق الظاميه تزهر نواميها
ديار حبها فقلوبنا نفنا وهو لا زال
مقيم ولو نموت عيالنا فوقه نوصيها
مصيف المملكة طول الزمن تضربه الأمثال
مرابع للجمال وقصة بالفخر نرويها
بلاد الورد والريحان والكادي وطيب الفال
مدينه حالمه ما فالبلد دره تحاليها
حباها الله بالجو العليل وزاهي الأشكال
لياجتها النفوس المتعبه تقدر تداويها
بها طيب، وبها مجد، وكرم صدق وشموخ رجال
قصيدة خالده يحتار كاتبها وقاريها
بلاد الأمن وبلاد الرخاء تكبر بها الآمال
تحت ظل الملوك اللي بسيف العدل تحميها
يا علام الخفايا نطلبك يا منزل الأنفال
تحفظ بلادنا واهل الغدر تخلف هقاويها
عويد المطرفي «بعيد الهقاوي»