ما نقبل الفتنة

يا الله يا من رتب الدين ترتيب
وانزل على عبده دلايل كتابه
الواحد المعبود جزل المواهيب
علام ما بالكون مجري سحابه
إنك تعافينا من الشك والريب
وتبعد نوايا الشر وتصك بابه
وتحفظ بلاد أهل الوفا والمواجيب
دار الوفا والطيب دار المهابه
لأرض الرسالة والحرمين تحسيب
منها نبي الحق دينه بدابه
الدين عنوانه مبادي وتهذيب
الله يعز الدين واللي مشابه
من عهد ابو تركي على الفطر الشيب
اللي من اجل الدين جهز ركابه
وحدّ صفوف الشعب وارسل مناصيب
مبداه دين الله وقوله وفابه
يالله عساله مع هل الخلد ترحيب
في جنة الفردوس يلقى ثوابه
واليوم في عهد الفهد وافي الطيب
أعظم ملوك الأرض يخشى عتابه
يحكم بحكم الله عطيب المضاريب
وسيف على هدي الشريعة صطابه
إن قامت الهيجا ودارت دواليب
يفتل وينقض مبهمات وصلابه
ملاذ من ضاقت عليه المشاريب
ومن صكته غبر السنين إلتجابه
وولي عهده جنب الخصم تجنيب
إن جت من الخصم اللدود إنقلابه
هذاك ابو متعب ونعم الأشانيب
صقر ينومس فاللقى من غزابه
ما نقبل الفتنه وقول الهوازيب
اللي بليا حق صاروا عصابه
مرضى العقول مروجين الأكاذيب
ابعيد عن هدي النبي والصحابه
غدا بهم من سبب العار والعيب
ومن طاوع الشيطان فكره غدابه
أفكارهم شتى لهم شر تعذيب
من زعزع أمن الدار نايف عذابه
من كان في فكره دسايس وتخريب
منبوذ ماله بين الأمة قرابة
عاش الوطن بأمر الذي يعلم الغيب
أمن وأمان وفالمنابر خطابه
الأمن واعي في نظامه وتدريب
ونايف على رووس المعالي رقابه
والشعب صف وفي جناب المعازيب
في ظل أبو فيصل عزيز جنابه
ابن الوطن صوب من الفكر تصويب
هذا الصحيح وغايت العلم صابه
هاجس ضمير وللمشاعر تجاريب
علم تجلى والضمير اعتنا به
وصلاة ربي عد وبل النواصيب
على نبي تم دينه وجابه