طغمة الشر

يا الله اليوم يالمعبود تحفظ موطن العز.. وتسلم شبابه
من هل الغدر.. صناع الجرايم.. شلة الشر شينين المبادي
من عمل هالعمل في عاصمتنا ينتظر يوم ويواجه عقابه
طغمة الشر.. ابد ماهي بمنا حسبنا الله على راع الفسادي
كلنا صف واحد ضد من ينوي وطنا بشره ما نهابه
الولا للقيادة.. والتلاحم ميزة الشعب من حضر وبوادي
شعب يلتف حول قيادته.. قيادتنا اللي لهم قدر ومهابه
قادة العرب وانصار السلام اولاد مقرن كريمين الايادي
معيشين الضعوف.. معالجين اللي من الجايحة ينزف صوابه
كافلين اليتيم.. مزبنين اللي زبن يشتكي ضيم الاعادي
ابو فيصل ملكنا قائدٍ محبوب فيه السياسة والذرابه
من دعاة السلام الله موفق قائد العرب لدروب الرشادي
وابو متعب زعيم المعرفة عند اكتراب المواقف ليث غابه
يا الهي تحفظه يا مدير الكون يا الله يارب العبادي
والله انه يبارك في وزير الجيش سلطان حلال النشابه
الشجاع الكريم.. الشهم وايضا طيب الخلق والرأي السدادي
ويحفظ الله وزير الداخلية حافظ الامن.. والامن اعتنابه
نايف الرجل الاول للامن. لاجل الامن باذلٍ كل اجتهادي
أمننا للدول مضرب مثل. مثله فلا ينوجد امنٍ مشابه
ماري الكون كله واصعدي سطح القمر والثريا يا بلادي