أعاني من زماني

زمانك لو تحمى لك تحده
بصبر وعزم والدنيا دواير
ولابه راحة لا عقب شده
أنا مجرب واعاني من زماني
معناةٍ لها بالقلب مده
من أمورٍ عريضاتٍ طويلة
وبحرٍ موحشن جزره ومده
سوات الليل اليا خيم ظلامه
على قلبٍ تحيط ابه الموده
نجيب العلم والا ما نجيبه
نلد الشوف والا ما نلده
اقوله يالبيب القلب وافهم
نصيحة واحدٍ وقته يضده
اخذ حذرك من اسباع الأوادم
ومن ينوي يتعشابك تغده
وما فاتك بلا شك وريبة
على ما قيل ما يمكن ترده
ولا تفرح ولا تكره وخلك
وسيع ابطان والمقفي تعده
ولا يدري لك بمغزي وغاية
وسيع العرف ما يدرى بسده
حلاة السر في قاعة قليبه
ترى العالم على صوت الموده
اليا سمعو لهم علمٍ يطرى
يزيدونه ولا يسند مرده
مصيبة وردفت معها مصيبه
وكل يا عرب يرجع البده
ولا أعم البشر في ما ذكرته
ولا لي عن طريق الحق صده
أقوله بالبداية والنهايه
ياحظ اللي لبس له ثوب قده
صالح عبدالرحمن الناصر /الزلفي