مرحوم يا شبلٍ فقدناك

اطلعنا على الخبر الذي نشر في الملحق الرياضي بالجزيرة العدد رقم 11121 الصادر في 8/1/1424ه تحت عنوان «وفاة ابن مدرب اللواء».. لذلك
نشارك في هذه القصيدة تعبيراً لفراق رائد..
مرحوم يا شبلاً فقدناك مرحوم
مرحوم يا للي على القلب غالي
مرحوم ياللي تبتسم دايم الدوم
مرحوم يا للي تجعل المر حالي
قولوا معي يا عيال مرحوم مرحوم
مرحوم يا راند القلب يا بعد حالي
لازم لزم نقولها لازم وملزوم
غرب وجنوب وشرق وشمالي
اسمك رسى بالقب راسي ومرسوم
اسمك رسى بالقب ونال المعالي
ليا قمت اتذكر يوم ورا يوم
لا تسأل يا سعود كيف حالي
اضحك مع الناس وقلبي هواجيس وهموم
وامشي مع الناس وكني امشي لحالي
كني طفل مضروب غادي ومفطوم
ليا قمت اتذكر في زمان مضالي
كني جريح الساق والجرح مشموم
من ساقه المشموم يسهر ليالي
كني سجين الظلم ظامي ومظلوم
وكني وحيد الدار جالس لحالي
ما لوم من يبكي عليك ما لوم ما لوم
انشهد انك يا راند القلب غالي
طيب حبيب القلب دايم الدوم
بالطيب والخير ماله امثالي
منساك اقولها يوم ورا يوم
حتى لو انساك تطري على بالي
الموت حق وكل نفسها له يوم
يومك يجيك ولو كنت فوق الجبالي
يا لله تسقيه من رحيق ومختوم
وبجنة الفردوس يفوق المعالي
يا الله يالمعبود يا فارض الصوم
تجعل لنا التوفيق طول الليالي
تمت بذكر الله فارض الحج والصوم
الواحد المعبود عزيز الجلالي
وصلاة ربي عد شيح وقيصوم
على النبي وعداد ما هب الشمالي
انها كلمات نابعة من القلب حملتها دموع العين على ذلك الشاب الذي لن يتكرر وهو الاخ الخلوق رائد الاحمد رحمه الله وغفر له وادخله فسيح جناته انه ولي ذلك والقادر عليه.
بدر محمد الفهد العايد
حائل - محافظة بقعاء