صباح الورد

والنسمه عسى يومك عطر منثور
تصبحت بحلاك وزان كل الكون في عيني
وذاب الثلج من دافي غرامك وانت كلك نور
وانا كلي مشاعر والهوى يمّك يوديني
بلحظه عابره شفتك ولحظه من هواك دهور
تخيلت الزمن خالي من فراق المحبيني
وجيت اشرب غرامك من ظمايه والغرام بحور
شربت العذب من عذب الغرام ولا يكفيني
تصورت السما غيمه وحسيت الثرا ممطور
وهمسك خالط النسمه بنغماتٍ تسلّيني
حلمت احلام ورديه وانا اشوف العيون الحور
وصار الكون خاتم باصبعي وتلفه ايديني
وانا داله ما عرف انّي معك واقف بدون شعور
واحسب ان اللقا طوّل وصار شهور وسنيني
على صوتك تودعني دريت ان الوصل مبتور
وصارت حالتي حاله تضحّكني وتبكيني