دكتور.. شرحك ولو طوول انا جيته

دكتور شرحك طال والدرس مليته
ودقايق الشرح كنها شهور وسنيني
حاولت اتابعك بس الصوت ما اوحيته
وتبي الحقيقة ادور عذر يرضيني
مانيب يمك وكل الدرس خليته
ورحلت من قاعتك معدت تعنيني
برحل بهوجاس فكري لين اجي بيته
الصاحب الغايب اللي مايطريني
مدري لقا غيرنا ولا عسى ليته
عاده علي خبري الأول يداريني
رحلت عنا وحبل الوصل قصيته
وقطعت كل الامل مابينك وبيني
مدري وش اللي بقى ماعاد سويته
واشوفك اليوم بايعني وناسيني
ان عودت للرجاوي ماترجيته
يبعد وانا ماحصلي منه يكفيني
عزمت انا انساه والهاجوس وصيته
لاعاد ياتي وياخذني .. يخليني
ودكتور.. شرحك ولو طوول انا جيته
اتعاب شرحك ولا شي يعنيني
خالد جابر المشعلي