انتظرتك

من عام.. لو تسألني شلون من عام
ما كنت انا.. كنت اشبه انسان ثاني
من عام.. كسرة حال.. واتعابه اقدام
أسير ودروب الضياع تحداني
من عام.. دمعة ضيم.. وجروح.. والام
والواقع اللي بالظروف ابتلاني
عشت اختصار العمر لظروف الايام
تحملني الرحله بليا مواني
عشت اكثر العالم مشاوير.. واحلام
كنت اعطي العالم ولا احدن عطاني
كنت اطلب الواقع سلف.. بسمة ايتام
حتى مطرني بالحزن.. وامتلاني
هزيت بكفوف الرجا.. غصن الاوهام
طارت! تساقط للألم عذق داني
كان العمر في داخلي.. حفنة ارقام
رضيت به.. بس الزمن ما رضاني
على كثر ما اخذني الحزن هندام
باين على وجه الزمن ما بكاني
مر العمر.. وسنيني العوج.. تنسام
من كل هم.. وكل حزن يغشاني
الين ما ضم الفرح خافق (ن) نام
باحضان حبك.. ياجميل المعاني
فاح الزهر بك طيب من عبق الانسام
نسنس على قلب الشقى جو ثاني
لقيت نفسي فيك.. يوم الغلا شام
عن درب غيرك.. وانتظرتك عشاني
شكرا كبيره.. يا تصاريف الايام
ياللي عطيتيني على آخر زماني
قلب يعوضني سنيني من العام
لقيت معه اجمل حياة الثواني
جوهرة المصيف