قبل سنين

يرمي بي الهاجس على عاصف النود
مجبور تلعب بي هبوب الذواري
هم بنى قصره كبر قصر صاهود
يدق في قلبي ثمانين طاري
عليك يالمجمول يا ناعم العود
ياللي خذيت القلب مني اجباري
غلاك قبل سنين بالقلب مرصود
قدام عشر سنين ما زال جاري
تعال وارجع شوف يا زهر يا ورود
يا زهرة ما هزها كل ذاري
حال الجريح اللي من الود مضهود
اللي جرحته يا ضبي العفاري
في خافقي حليت وتروح وتعود
ليتك قبل ما تروح بالحال داري
حبك تراه بداخل الروح ويزود
شيدت في قلبي صروح وعماري
ودي بشوفك لكن الباب مردود
ودي بشوفك كل صبح وعصاري
يا حول ما كنك على الدار موجود
ما شوف غير بيوتكم والأثاري