ورقة قديمة

يا اللي تنويتوا على كرم الافياح
انا على الرجلين مالي مشاحي
جيت المراح وصار للقاف ميلاح
وهاذي مرابط خيلهم والمراحي
السربة اللي معهم الموت رماح
يازين قضب ايمانهم للسلاحي
ياما وردوا عد تصفقة الارياح
بحضن العدو يرعون قفر وقراحي
وندير من يم الخلا فرق الاشباح
وهجت نشايش الشذا واللقاحي
وسمعوا على راس النبا حس من صاح
ولحقت بكل ملوضب او شناحي
كم واحد طشوه والخيل طفاح
يشكي صواب له خطير الجناحي
وكان انتخوا بتلا بدلو التمياح
راحت على ذولاك مع كل ناحي
جعل المزون اللي بها البرق لماح
تمطر عليهم كل ليل وصباحي
تسقي ديار اللي للاجناب زواح
مكدي النحير وعز من جاه ناحي
اللي لجزلات النسانيس ذباح
لا عنكفت سمر الليال الشحاحي
اللي لكسر مسوبع البيت شباح
الشيخ اخو بتلا سطيم المناحي
خلاف ذا ياراكب فوق سرساح
مامون قطاع الفيافي ضياحي
عليه من يوصل سلامي ليا راح
لجدعان شوق مروكات الرياحي
كن السبايا يوم يشلاه بصياح
صيد من الوادي غشاه اللحاحي
باغيك تسعى لي مع الشيخ باصلاح
يضفي لنا حسناه وابي السماحي
وش قلت يا وجه السعد طير الافلاح