محاورة بين الشاعرين الكبيرين مطلق بن حميّد الثبيتي وشليويح بن شلاح المطيري

محاورة الأسبوع

يا شليويح المطيري صرت مثل السوسه
كل بيتٍ تدخله تعرف مخازن حبه
لو ابوك الله حماه من امك المنحوسه
كان صلى كل ليلة ركعتين لربه
* شليويح
لا تعلم كان عندك حاجةٍ مدسوسه
كل جحرٍ عارفين حيته من ضبه
لو ابوك مطلق امك ما أصبحت مركوسه
والسبب من رأسك المقرود وأنت السبه
* مطلق
جيت بالطاسه وودك تحلب الجاموسه
مار حطت فيك جرحٍ ما أنت لاقي طبه
وأنت لو تعرف جميل الغرسة المغروسة
ما رميت أغصانها في نارك المشتبه
* شليويح
ما نلومك لاقي لك كبسةٍ مكبوسه
مار من يعطيك من زاده لزوم تسبه
أنت ذيب ولاقي لك صيدة مغروسه
كد فرسها ذيب والريع المقابل ذبه
* مطلق
لو علمنا عن خفايا الخطه المدروسه
كان نصبح فوق راسك صبح بالمرزبه
وأنت راسك بين نيبان الجمل وضروسه
والجمل يلعب على العربان ما تلعب به
* شليويح
الجنون بوسط رأسك كلها محبوسه
لو كويتك كان طابت رجلك المنصبه
والحرامي ما أنت سارق مزهبه وفلوسه
لو تشيل الفرد والسكين تحت الجبه
* مطلق
لو سلمنا من لسان الحيه الملحوسه
انفتح باب على جنبه تلوح الضبه
وانت قدامي تشيل الرايه المنكوسه
مار من يتعبك يظما قبل يأتي غبه
* شليويح
انت ما جاز لك كيف الطبخه المحموسه
عقب هذا كل رجالٍ يقوم ابنبه
وانت ضيعت العرب بأفكارك المعكوسة
كل ما قلت لك هات الملح جبت الشبه
زهران عون الله المطيري / بريدة