الشعر الشعبي يشارك في حملة«مدينة بلا مخدرات»

في أمسية أقيمت بمحافظة ينبع:

في مساء الاربعاء 24/8/1423ه أقيمت أمسية شعرية في محافظة ينبع بالمنطقة الغربية من وطننا الغالي تحت شعار«مدينة بلا مخدرات» وقد شارك فيها كل من الشاعر وصل وصل الله الشهيب والشاعر عواض بن عبدالرحمن الشهيب ومن قصائدهما اخترت قصيدتي المناسبة حيث كانت الأولى للشاعر عواض الشهيب ويقول فيها:
من ربى الطائف على ينبع لفيت
شاعر تفرض عليه الواجبات
حملة لتوعية والها دعيت
من رياجيل العون الساهرات
الرجال الى لهم هيبه وصيت
محبطين اهل الخطاء والانفلات
والهدف سامي ويبقى ما حييت
نصح ليت اله الاذاني صاغيات
فالحقيقة كم سمعت وكم قريت
عن مواجع عن حوادث مذهلات
عن ضياع وعن دمار وقفل بيت
وعن حزن قطع قلوب الامهات
لو عرفت السر يالجاهل بكيت
لوسالت عن السبايب كيف جات
جات من سكة وهم فيها مشيت
غرك الشيطان عن درب الثبات
ابتديت بنزوة وابها انتهيت
حيثها سكة وباء ومخدرات
سم قاتل جرم فادح وش لقيت
مالقيت العقوبة والشمات
انهدم حلم لتحقيقة سعيت
ضاع مستقبلك والتفكير مات
ليت ما تنفعك لو كررت ليت
وانت من عرض حياته لشتات
فوق من نزوتك وادران مادريت
انك بهمتك تصنع معجزات
سكة التوبه ليا منك نويت
الدروب الها تجيك ميسرات
استعن بالله ليامنك بليت
اطلب الخلاق رب الكاينات
استقيم وصل فرضك ما حييت
تنتهي عن فعل كل المنكرات
وابتعد عن مجلس السوء المميت
عن رفيق يحرضك للموبقات
واذكر الماضي ليا منك نسيت
يوم ذلك السموم المهلكات
واحتسبها غفلة منها صحيت
لا تكرر واعتبر مافات فات
القصيدة الثانية للشاعر وصل وصل الله الشهيب
وهذا نصها:
ابدى بذكر اللي رفيع«ن» جلاله
منزل آيات الهدى والرساله
يارب وفقنا لصالح عملنا
نسألك غيرك يالولي مانساله
سبحان من فضل بن آدم بعقله
ينعم على عبده ويعلم بحاله
للشعر دور«ن» في مجالات شتا
والشاعر الى حكم البيت قاله
والدين يصحاب العقول النصيحه
اقولها من خاطري بالاصاله
والنصح يجدي بالشباب المثقف
يحرس على حاله ويحرس بماله
قصيدتي تنخى شباب الجزيره
أهل الوعي وأهل الفكر والبساله
لا للمخدر كيف نرضاه واسمه
اسمه مخدر يعني اكبر دلاله
انه من انواع الحروب المشينه
اللي لها تأثيرها لا محاله
ان صورت تصوير تأتي بعكسه
وأول مآسيها السجن والبطاله
حنا وهبنا الله عقولاً سليمه
لا ما نحول علمها للجهاله
اللي تشجع لرتكاب الجريمه
ايضاً وفقدان العقل والخباله
دوافعاً ياشينها من دوافع
ياشين صاحبها وياشين فاله
انخاك تكفى يالشباب السعودي
تكفون يا هل المرجله والاصاله
انخاك لا ترضى بقبح المسمى
المدمنين اطلق عليهم حثاله
ينخالكم اللي يفتخر في هويته
مستحلف«ن» بالله ويدخل دخاله
شاعر ويشعر في معاناة جيله
يحدف له شماغه ويحذف عقاله
الرجل ما يرضى لنفسه مذله
من يفخر بنفسه وجده وخاله
يعز نفسه ويتمسك بدينه
ويجني نتائج سيرته واعتداله
والمذنب اليا تاب رد اعتباره
من يتجه في منهج الخير جاله
والخير فينا والامن في وطنا
حكامنا تحكم بحكم العداله
واجب علي اهدي لكم هالقصيدة
ابيات شعراً قلتها في عجاله
وإلى اللقاء مع مناسبات وطنية أخرى