أمنيتي (سوبر ماركت) لبيع الشِّعر على المكشوف

الشاعر محماس بن نجر يفضفض عبر «شواطىء»:

نستضيف اليوم الشاعر الكبير (محماس بن نجر) وهو غني بالبروتين عن (ال التعريف) بل هو علم يرفرف بدون هواء وشعره اخترق الفضاء والأرض والعصور الحجرية والصخرية ورجع للماضي وجانا مسرع.. شعره يمثل حقبة من زمن لم يأت بعد.. لم يولد بعد.. لم يرضع بعد نيدو وسيملاك.. من زمن توحمت به أمه، شعره يشكل المستقبل المنتظر ويعجن المستقبل القادم للأجيال المسكينة، بل وصفة أحد الكتاب بأنه قدوة للأجيال الفضائية لأن شعره قمر وشمس وزحل ومريخ. أنه الشاعر.. أو نتركه يقدم نفسه..
* ممكن تتكرم وتقدم نفسك للجمهور؟
- أخوكم الذي أمامكم.. اسمه بتواضع (نجر بن محماس) شاعر معروف قبل ما أولد ويوم ولدتني أمي قلت فيها عشر بيوت.. وشعري ما هوب تقليد مثل بعض الناس..
* أجمل بيت قلته؟
- يا ونتي ونة خلوج مريضة..
تبي قعود والقعود عيا يبيها..
* يقولون إنكم تبيعون الشعر؟ وآخرهم الشاعر أحمد الفهد في جريدة الرياضية ويقول عنها جريمة تفشل؟
- يا رجال لا يهمك هذا.. هذا شاعر فاضي.. تراه ما طلع إلا أمس وجاي يعلمنا الشعر لكن بالخط العريض والبنط والكمبيوتر والكوفي وشفيه..؟ المزارع يبيع طماطم وجح وبامية وباذنجان.. وش الفرق؟ النجار يبيع الخشب والبيبان والكراسي.. جريمة؟ أنا حر والشعر من انتاجي من مصنعي.. أبيع ما أبيعه.. والا أموت من الجوع.. والمفروض يحطون لنا سوق..
* سوق؟
- نعم قصدي سوبرماركت ونحط فيه قصايد على الرفوف للبيع.. وبسعر.. وأنا ما أشره على الشاعر سعد الخريجي يبونه يطر أو يسرق.. شعره وحر فيه؟
* الشعر هل هو منطقي أم نموذجي أم نظريات تقال لا تطابق الواقع..؟
- ما فهمت..؟
- سوف ابسط الأمور يعني لازم أنزل درجة لمستوى تفكيرك: هل هذا الشعر اللي تقوله.. يندرج تحت مسمى الواقعية والمنطقية أم هو في قاع هات وخذ؟
* يا خي شكلك غامض؟
- طيب بانزل شوي علشانك: هذا الشعر اللي أزعجتنا فيه.. على أي أساس تبنيه.. هل هو في خدمة الواقع والمنطق يتدحرج عليه؟
- بلاشي الغاز؟
* طيب بنزل المرة هاذي لمستواك الأصلي: هل شعرك خرطي..؟
- إيه هالحين فهمت حبيبي.. لا.. أبداً ما هو خرطي ولا برطي.. والدليل على صحة كلامي وأنه غير معتوه.. أمس القريب هذا قلت بيت وساعة إلا 30 واحد يتصلون حافظينه قلت لهم ونعم هذا هو الشعر اللي يعلم ويحفظ لغتنا.
* طيب ممكن أي شخص يقول الشعر مثل عمشا وطمشاء وخزنة؟
- ممكن حتى ذلولي ممكن يقوله بس فيه فرق بين شعر طمشا وشعر عمشاء.. مثل اللي بين نجم سهيل وسلقة.. أبوي الله يرحمه.
«فاصل إعلاني»
«تابعوا صفحة شواطىء.. عبر الإنطرنت..
تأكدوا وأنتم تتابعونها أنه لا توجد في جيوبكم فيروسات.
صفحة شواطىء.. تنقلكم إلى عالم آخر.. عالم تتحقق فيه الأحلام.. عالم مليء.. بالخيال.. والضحك والابتسام.. المجاني..
صفحة شواطىء الوحيدة.. التي لا تتكسر عليها الأمواج..
لأنه لا توجد أصلاً أمواج.. ألم نقل لكم... خيال في خيال».
انتهى الفاصل.. وعودة للحديث مع الضيف.
* أمنتيك..؟
- أن أطبع ديواناً يحفظ هذا التراث للأجيال القادمة وربما أهل الفضاء وسأغزو به الفضاء.