خالد بن مدعث الدوسري

ليت... ولعل

واقلبي اللي من زمانٍ فات ماخوذٍ سبي
سبي الحناشل من مراح الراعي ابله وغنمه
الليل يسري بالدبش والذيب والحايف يبي
والبدو ما ينهب دبشها الا الليال المظلمة
الحايف يحوف الظعن والذيب للضان يحبي
والراعي المسكين عن غيب القدر من علمه
أمسى غني يلبس العمه وتزهاه العبي
واصبح فقيرٍ ما يحصل لقمةٍ تملا ثمه
واللي جراله قد جرالي يا حمد وانا صبي
قلبي من الأضلاع منهوبٍ بدمه ولحمه
أتلا العهد بالقلب يوم اني ما بين أمي وأبي
اثره على الحب انفطم قدام لا أمه تفطمه
ما احدٍ بكا ولا شكا سواة عيني وهدبي
ولابه مثل ساقي تعنا واتعبه سير قدمه
بصبر واكابر يومني بالحب غبَّرت شنبي
قال المثل من لا يغبر شاربه ما دسمه
بس اتحرى وارتجي يخلف لي الله تعبي
واقول عذري فالهوى ما كل بيضا بشحمه
القلب مدهال الهوى واصعب هوى حب أجنبي
وطبع العرب كلٍ يعيي دون مرباه ودمه
وانا على ليت ولعل احط وانقل مزهبي
ومن فوق عش العنكبوب أبني الرجاء ثم اهدمه
طال المدى وانا اتقلب فوق ناري وحطبي
اموت واحياء والغضي يكوي الضلوع بميسمه
لولاك يا عذب اللما عين الوحش عنق الظبي
ما كان تامرني وتنهاني بضحك وسلهمه
لولا الهوى ما كان تملك راس حرٍ يعربي
خلاك خوان الرجال بدون حربٍ تحكمه
الله يبيحك واستبح عمري ودمي وذهبي
حللت لك كل الثلاث اللي عليك محرمه
دوجي بريضان الحشا واكلي ربيعي واشربي
الله عطاك من الحشا بيره وتمره وعجمه
حققت لك ما تطلبه ولا تحقق مطلبي
انا اطلبك يا تطلق المسجون والا ترحمه
واليوم يا عذب اللما عين الوحش عنق الظبي
حقي عليك اليا خضع لك صاحبك لا تظلمه
واقلبي اللي من زمانٍ فات ماخوذٍ سبي
سبي الحناشل من مراح الراعي ابله وغنمه
الليل يسري بالدبش والذيب والحايف يبي
والبدو ما ينهب دبشها الا الليال المظلمة
الحايف يحوف الظعن والذيب للضان يحبي
والراعي المسكين عن غيب القدر من علمه
أمسى غني يلبس العمه وتزهاه العبي
واصبح فقيرٍ ما يحصل لقمةٍ تملا ثمه
واللي جراله قد جرالي يا حمد وانا صبي
قلبي من الأضلاع منهوبٍ بدمه ولحمه
أتلا العهد بالقلب يوم اني ما بين أمي وأبي
اثره على الحب انفطم قدام لا أمه تفطمه
ما احدٍ بكا ولا شكا سواة عيني وهدبي
ولابه مثل ساقي تعنا واتعبه سير قدمه
بصبر واكابر يومني بالحب غبَّرت شنبي
قال المثل من لا يغبر شاربه ما دسمه
بس اتحرى وارتجي يخلف لي الله تعبي
واقول عذري فالهوى ما كل بيضا بشحمه
القلب مدهال الهوى واصعب هوى حب أجنبي
وطبع العرب كلٍ يعيي دون مرباه ودمه
وانا على ليت ولعل احط وانقل مزهبي
ومن فوق عش العنكبوب أبني الرجاء ثم اهدمه
طال المدى وانا اتقلب فوق ناري وحطبي
اموت واحياء والغضي يكوي الضلوع بميسمه
لولاك يا عذب اللما عين الوحش عنق الظبي
ما كان تامرني وتنهاني بضحك وسلهمه
لولا الهوى ما كان تملك راس حرٍ يعربي
خلاك خوان الرجال بدون حربٍ تحكمه
الله يبيحك واستبح عمري ودمي وذهبي
حللت لك كل الثلاث اللي عليك محرمه
دوجي بريضان الحشا واكلي ربيعي واشربي
الله عطاك من الحشا بيره وتمره وعجمه
حققت لك ما تطلبه ولا تحقق مطلبي
انا اطلبك يا تطلق المسجون والا ترحمه
واليوم يا عذب اللما عين الوحش عنق الظبي
حقي عليك اليا خضع لك صاحبك لا تظلمه