أحمد فقيد الشعب

يا الله يا خلاّق سبع السموات
وسبع بسطهنّه على كل شانا
تجبر عزا سلمان رجل المهمات
وتجبر عزا ملوكنا وأمرانا
وتجبر عزا أمه من جميع المعانات
والموت حق وللولي منتهانا
أحمد فقيدالشعب راع المروات
أبو اليتاما والضعوف الحزانا
فقيدنا الثاني ولد طيب الذات
أمير نجد اللي بسيفه حمانا
والباقي الله والبشر كلها أموات
يا أبو فهد يا أميرنا يا ذرانا
الله يجيرك من بلا كل الآفات
موتٍ من الله حق غصبٍ علانا
دنيا الزوال ولا عليها قرارات
لعلهم في باردات الجنانا
عسى لهم عن لاهب النار منجاة
أمرٍ مقدر والله المستعانا
والشعب شارككم بحزن المواسات
يا شيوخنا اللي منكم الخير جانا
وهذي منايا ما توقف اليا جات
أمرٍ مقدر حق ما له ضمانا
والموت سنّه والمقادير عجلات
ويا الله تعوض اللي بقا بالحسانا
وتلهمهم السلوان عن كل ما فات
والله يعز اللي بقا من اخوانا
فهود الزراج أهل الفعول الرفيعات
تدعي لهم كل العرب وأصدقانا
وأيضا القبائل كلها والقرابات
تدعي لهم بالخير طول الزمانا
متعب الحميدي الحمادي - محافظة الدوادمي عرجاء