باني عبدالله البقمي / الطائف

طبيعة ساهرة

أتقدم لعموم الأخوة بجريدة الجزيرة بالشكر الجزيل لما سبق أن نشرتم لي من قصائد كما أهديكم هذه القصيدة بمناسبة بداية الصيف ولكم خالص تحياتي ..
حان وقت الصيف والفصل السياحي
والوناسه والهنايا يا أهل السياحه
والمصيف اللي به القلب استراحي
في ربوعه يعلن الصدر انشراحه
الهوى به طلق والماء به قراحي
والشعار أحلى ويعني له نجاحه
والنسايم ذعذعت والهم راحي
والسعادة تشفي العمر وجراحه
والسحاب اللي تحركه الرياحي
هلت دموعه وسالت في فياحه
اللّه أكبر يوم فيه البرق لاحي
وينكم يا أهل القصائد والفصاحة
والحمام اللي على الأغصان ناحي
من يومه لو يطوَّح في نياحه
الطبيعة ساحرة والورد فاحي
واكتسى الطايف من الخضرة وشاحه
للتطور فيه مبدأ وانفتاحي
بالحدود اللي بدنيانا مباحه
تحت توجيهات مروين الرماحي
الأسود اللي لهم بالجود ساحه
الملوك اللي على الظالم ذحاحي
قادهم فهد سقانا من قراحه
ونائبه حرٍ من طيور الفلاحي
عاش أبو متعب زهى عقله رجاحه
وعندنا حاتم بالأيام الشحاحي
ذاك سلطان السعد راع الصراحه
ونايف الأمجاد يسهر للصباحي
لأجل الأمن ولا تهنَّى في مراحه
والأمير اللي مشى درب الكفاحي
منطقتنا عمَّها الخير بكفاحه
واللّه أن عبدالمجيد اللنا سلاحي
والوفاء والطيب والهمَّه سلاحه
ويا المواطن لا تروح إن كنت صاحي
خارج بلادك ترى الراحه رباحه
غير لاجل العلم والشي المباحي
والسياحه بالوطن عندك متاحه
وكلن ورايه وانا هذا اقتراحي
وكل شخص يجيب رايه واقتراحه
والسلام أعداد خفاق الجناحي
للنبي اللي ملى العالم سماحه