أخو فهد وأبو فهد ماله أجناس

بالله قلي ويش بقيت للناس
ما دام في يمناك الاملح تسله
وش يمنعك لا تلحق المتن بالراس
يمنعك دين الله مذهب ومله
ودستورك القرآن للشرع مقياس
تستاهل المنصب ومثلك كفو له
يا طيب السيره ويا طيب الساس
وزارة الدفاع تسعد بظله
وزير حربٍ يزهي الدرع والطاس
سلمان اخو نوره ويشهد سجله
سجل طيبٍ حاويٍ كل نوماس
على سمات الوجه مثل الاهله
عدلٍ مع حكمه وحلمٍ مع باس
وسيفٍ مع منسف ورمحٍ وسله
ومجدٍ تليدٍ فوق اصيلات الافراس
معزيٍ جناه من ماكرٍ له
بيت السدارى ماكر العود قرناس
نوبٍ يعقد الحبل نوبٍ يحله
ان حل تفرح وان عقد غصب تنحاس
على الوفا مجبول طبع وجبله
وفاه مع سلطان للوصل نبراس
ولا غاب نجمٍ جاك نجمٍ محله
اخو فهد وابو فهد ماله اجناس
على الدفاع وخالدٍ نائباً له
هذا شبل سلطان فوق العدا داس
حفيد للجدين للقوم عله
في حرب جيزانٍ دحر حزب الاجناس
يا طيب سلمانٍ ويا زين دله
وان عضبت نمرٍ يكشّر بالاضراس
ولّاه أبو متعب على الجيش كله
ثقه من الحاكم ورغبة من الناس
الشاعر الرائد الدكتور - شالح بن سفران الخنافر القحطاني
وزارة الدفاع