نصيحة

والعمر فاني والزمن له صروفه
في الناس أنواعٍ وأشكال وأجناس
والخط باين واضحٍ من حروفه
لالا تخاوي واحدٍ يكره الناس
هذا مريض ويستحق المروفه
يجيه يومٍ يتركك وانت محتاس
ولا عاد تطمع عقبها إنك تشوفه
وابعد عن النمام للهرج دساس
تراه ينقل كل شيٍ يشوفه
وإحذرمن اللي ما يحافظ على اساس
دينه ويترك كل فرضٍ يطوفه
بالك تخاوي من على اقاربه داس
ماينفعك لو كنت في وسط جوفه
وترى البخيل اللي يحسب للإفلاس
ونفسه على الدنيا حريصه شغوفه
جمع الذهب مشغله عن كل نوماس
للبذل والمعروف نفسه عيوفه
وخل التفاؤل ديدنك واطرد الياس
ياصعبها راعي التشائم ظروفه
وعليك بااللي خوته ترفع الراس
وسط المجالس له حقوق معروفه
ما ينفعك لاجاك قطاع الأنفاس
ياكود فعلك ويش كانت وصوفه
يا الله انا طالبك ماهب نسناس
ما هفهف الغربي وزود هفوفه
تقسم لنا الجنه ونشرب من الكاس
وبصحبة المختار ننعم بشوفه
أحمد ناصر المحرج