يا خادم البيتين

يا قائد الأمة عسى الله يشافيك
وأنه يجيرك من صروف الليالي
شعبك يا ابو متعب يحبك ويغليك
يا ناصر الاسلام في كل حالي
الناس تدعي ربها دوم يبقيك
ويمد في عمرك سنينن طوالي
ذكرك ينومس قافي اللي يناديك
وطيبك يهيض للتماثيل بالي
شرد النوادر كل ما حل طاريك
تجمعن من كل فجن عجالي
ياخادم البيتين دايم مباديك
الدين والنخوه ومد الجزالي
مالك على البيدا حليٍ يحاليك
كامل ولله الوفاء والكمالي
يامزبن المضيوم لاجاك ناصيك
يارادع الطاغين وأهل الضلالي
سقم المعادي ريف من هو يواليك
للضد لد .. وللموالي ظلالي
لا كبرت القاله تجلت مواريك
تبرز ولا تترك لغيرك مجالي
ولأمة الاسلام طابت مساعيك
بالحال والحيلة وحيل ومالي
حاضرك يشهد لك بعزك وماضيك
فعلك يشرف ياذرا كل جالي
على ثرى الجوزا وطيت بمواطيك
نقشت ذكرك في جبين المعالي
ياسيدي مافالبشر من يساويك
وكل شهد لك يا الزعيم المثالي
ويالله يالي كل خلقك تناجيك
تحفظ ملكنا من صروف الليالي