فهد الفهود اللي فعوله جزيله

يالواحد المعبود جلا جلاله
يا واحد ما غير عفوك وسيله
وبقدرتك عبدك وسيع مجاله
تحفظ بلاد الخير عن ما نويله
وتعز من للحكم يرفى خماله
الليث شيال الحمول الثقيله
اللي ليا وكل له الحمل شاله
فهد الفهود اللي فعوله جزيله
هو عز مضيوم شكا واشتكاله
العاهل اللي ما ندور بديله
عسى الليالي ما تبدل بداله
راعي العلوم الطايلات النبيله
مواقفه تشهد ولابه جهاله
للدار واحداث الزمن يرتكيله
والشعب كله عايش في اضلاله
العاهل اللي شايفين جميله
يفعل لشعبه مايدور جماله
كم واحد في حاجته ينتخيله
وان جاه مضيوم فزع ونتخاله
يمناه تكرم بالليالي الفضيله
في كل دار وكل مسلم يناله
بالخير كل المسملين تحكيله
للصلح يدفع من غوالي حلاله
النار بالأفغان شبت فتيله
واصلح لهم بالمعرفة والعداله
والبوسنه يوم أنها تشتكيله
فزع وعنها حالك الهم زاله
والشعب بالصومال عينه تخيله
أرسل لهم قوة من أغلى عياله
الله يحفظ من يزبن دخيله
وعساه عند الله يفوز بعماله
فرحان المطرفي