ياخادم البيتين انتم قمرها

عودة حبيب الشعب ربي يحييه
اليا لفى تباشرو به اومرها
بالطاير الميمون واللي مخاويه
اهل القرى واللي سكن في هجرها
تباشرو والكل ياناس يغليه
العاصمه تشتاق وايضا اسرها
بقدوم ابو متعب عسى الله يحميه
المملكه يشهد لها من نحرها
اللي بشمال الشرق واللي بقاصيه
فيها الحرم والبيت بعهده عمرها
واللي عمرها بينات مساعيه
المملكه تفرح بعودة نظرها
وعم الفرح كل الوطن في نواحيه
يابن الأمام اللي بعزه غمرها
الله يبيحه كل ماحل طاريه
ياسيدي صقر العرب يافخرها
ترفع لك الرآيه بعالي مبانيه
ياخادم البيتين انتم قمرها
سطع قمرها فوق عالي عواليه
في عهدكم ياسيدي ياذخرها
الله يديم العز واللي سعى فيه
قاد السفينة لين أرست بحرها
ارست بحرها وسط مرسى شواطيه
حبيت اعبر فرحتي مادخرها
الله يجيبه ود عيني تراعيه
وصلاة ربي عد وابل مطرها
على نبي وضح الدين باغيه
خليف بن فهيد المرواني الحربي -
الرياض