ذا الزعيم اللي يعرفونه الناس

تسلم يمين اللي لكم سلم الكاس
إسمك وفعلك عن مكانك إتحامي
أنت الزعيم اللي بنى مجد له ساس
تعرف جنوب وغرب وشرق وشامي
بسم الوطن لا رحت ما عدت بإفلاس
ما حال بينك والبطولة غمامي
زعيمها جتلك تنكَّس على الراس
أسهرت مفتون تضايق ونامي
طيرت نومه عاش بأفراح وأعراس
ليل الجزيرة بدده قول سامي
واسقى اكبود بعد ما هي إبيباس
وأخرس إلسان اللي بدى بالكلامي
إمجهِّز سبَّه على وجه قرطاس
يوسف بلعبه دوم للفن رامي
نمر الملاعب صار للفن نبراس
من لاعبك يهلال تاه إبظلامي
متفرج مبهور معجب ومِنحاس
وجمهورك اللي ساندك له سلامي
موج البحر محلاه لا هب نسناس
يا محلل هرجك به الكذب زامي
هذا الزعيم اللي يعرفونه الناس
ويالايمي مالك علينا ملامي
عبرت عن حب الجماهير بإحساس
واختامها يسعود يا ابن الكرامي
يامير صفوت ما له اليوم مجلاس
فهد بن عقيل الطويان بريدة