هلا مرحبا ترحيبيه نورها جذاب هلا مرحبا ترحيب من صافي النيه نيابه عن الشبان وكبارنا الشياب هلا عد ما هبت هبوب الشماليه وعدد ما تهشم مزنةٍ وبلها سكاب هلا عدّ ما تبد النجوم السماوية نجوم السما ما تنحسب تتعب الحساب هلا يا ابن ركن من ركون السعودية محمد ذرا الخايف لياجا حزم كلاب محمد ذرا المظيوم زبن الجلاويه الى جامريض الحظ بحماه حظه طاب خذ الجود ورث أجدود ماهوب عاريه دروب الوفا والمجد شب أو عليها شاب تجي بيته الوفاد جيش اورجليه تبي فزعة المحتاج ومخلص الأنشاب تبي فزعة اللي به حميه وغاريه عن العاجز اللي يستحي ما يصك الباب على مجلسه مثل الظوامي على الطيه أحد جايبي عاده واحد جايمد كتاب ومن جاعليه أصكوك واحكام شرعيه يعالج همومه كان حارت به الاطباب الى قال علم تم ميه على ميه مثل طبع سعود الأول مجري الهياب عذاب الكحيله والذلول العمانيه خصيمه يحسب له نهار الزحام حساب وهو راعي الروحه وهو راعي الجيه وهو ماضي الافعال بالماقف الغصاب وهذي من الرحمن قدره إلاهيه حمدناك ياللي من رجا فزعتك ما خاب للافراح بالزلفي بشاير وماريه بعد جيت جانا الخير والشر عنا غاب فرحنا من العارض لحد البكيريه ومن حد شقرا لين تاقف حدود جراب نبي موعدٍ ثاني زياره خصوصيه على شان نبني البيت ونطوّل الاطناب وتبقى لنا تذكار تاريخها حيه انماري بها الاصحاب ونفاخر الاجناب وتهدي لك الشكر الجزيل الصويتيه وهدبا وبنت كروش يامعرب الانساب شعر/أحمد الناصر الشايع
