سافري بي

خلي الوجهة شمال
سافري بي...
وين ما ودك.
سافري بي
للغمام
ولليمام
وللحمام
وللشجر
سافري بي...
ما يصح إلا الصحيح
والصحيح..
إني احبك..
أعشقك..
أرسمك في سما الروح نجمة
واسميك القمر.
وسافري بي..
للزحام
وللسنام
وللكلام
وبالحرام وبالذمام
إني اسعد من على الدنيا
دام كفين محبوبي معاي
***
سافري بي
بين حلمك.. وحلمك
بين باقات ورد قلبك
لاشرب قلبك هواي
سافري بي وين ما ودك
لا تحدك..
عن لذيذ الصبح.. نجمة في سماي
سافري بي.. بس
خلي الوجهة شمال.
***
ويا الشمال..
يالشمال الحر..
وش فيك استكنت؟
وش بلى صوتك خفت؟
ضيعوك أعداء موسى
بالشعارات السخيفة
انتعلها..
انتعلها لا صفى جوك..
ودنيانا صفت
انتعلها..
واشرب الغيمات سكر
وان تفكر..
فيك مجنونك تعال
***
ويالشمال
يالشمال الحر..
لا تكسر عصاي بسؤال
المحال..
إني القى مثل محبوبي بجرة خيال
وسافري بي..
وين ما ودك سافري بي
بس..