أغنية من ضلال

لا صارت الريح لأنفاسك عذوبة مدى
وش عذره القمح لو ما طار من شفتيك
في غيرك المدح في لحظة وجودك سدى
ما دامك أكمل حرام يصير غيرك شريك
يا وردة من كسلها تشكي من الندى
يا مزهرية بهية عطرها يحتويك
يا روح لو صفّوا الأرواح صارت ردى
يا راحة الميت اللي مر قبره يبيك
يا أغنية من ضلال وأمنية من هدى
يا دانية والمشاعر قاصية تحتريك
يا بال بالي إذا روّق وغاض العدا
يا جو خرمان لا عمّر براحة يديك
من قدكِ؟ قدكِ يسلب كيهم عَدا
ما دار حولك وحولك حلم ليل ومليك
من قدك"ش قدكِ"لا مال كلاً بدا
يستجمع أفكاره اللي بالشعر تشتهيك
كذا لعبتي بهم يوم الصباح ابتدا
يرفع جبينه لأجل يوصل لقاع"إقدميك"
وش حيلته والدلع باقصى دروبك عدا
وش حيلته والولع منه تساقط عليك
وش حيلته دام فكره كل فكره غدا
أسير عينك وعينه ذايبة منك فيك
يا ملهمة سلهمة عينيك كا المبتدا
يوم الخبر فرحة العشاق في ناظريك
يا مهمله ما بقى في حبل صوتي ندا
إلا وناداك لكن الغلا معتريك
يفتنني الحلم كان انساب فيك وشدا
واستسقي الغيم من لولّوتك وارتجيك
صليت بالغيب يوم إلك الضمير اهتدى
وأرسلت لك دعوتين وحلم ودّه يجيك
دعيت يا رب ما يذهب قصيدي سدى
يا رب أضمّك واذوق الشهد من شفتيك