لاتصدقوني تحسبوني نسيته لا والذي سواه ماني بناسيه إن غاب عني ربع ساعة بكيته وان شفت زوله فز قلبي يهليه لو قال تفديني بروحك فديته ولو طلب قلبي بلا شك بعطيه لو ينشري بأغلى ثمن لا شريته وادفع شقا عمري على شان أراضيه هذا الحبيب اللي من أول بغيته غلطه بسيطة واحده اثرت ليه؟ عز الله إني بعدها ما رضيته يهتز قلبي كل ما جاني طاريه ياما تحداني وياما نهيته اليوم صك الباب واعلن تحديه لو ينفعه دمع الغلا لا بكيته ابكيه خمس سنين ثم ارجع ابكيه ولو ينشكي فرقا الغلا لا شكيته وأحاكمه فالشرع قدام قاضيه افهم رسالة خطنا لا قريته واشهد شهادة حق واحكم بما فيه
