الشوق ذباح

ماكل مخلوقٍ على الأرض مرتاح
وماكل شخصٍ حصّل اللي تمنّى
ناسٍ بكَت باسْباب أحزان وجْراح
وناسٍ غزاها الشّوق وتْصيح منّه
وناسٍ تعاني علّة الحظّ لا طاح
كلّن على ليلاه ياطير غنّى
ياطير تكفى لي متى الهمّ ينزاح؟
من يوم رحت وْخاطري ماتهنّى
مهلاً ترى شوقي لِشوفتْك ذبّاح
والهمّ في بُعدك من اسمي تدنّى
الشّوق ياطاير ترى صدْق فضّاح
إرحم خفوقٍ لاجل شوفك تعنّى
وامسى يعدّ الشعْر بدْموع ونْياح
يستعرض بْحزنه لك انواع فنّه
وحيد يبكي والحزِن منْه ماراح
يتيم يشكي .. ليت قلبك تبنّى
لا صار موعد رجعِتِك هات الافراح
وْعَطْني بعد رجْعَتْك ياطير .. رنّه
باجيك كلّي فرحةٍ فيك يا صاح
واقلب لك الدنيا بِ جَيّتْك جنّه
هموم