وعي الحضور وصمت ناطق وتصفيق=لصفوف شعر صدق حسه امامه اسمى هدف للخافق اللي نسى الضيق=لعيون ترسم في سماه ابتسامه مابين شوق وبين لهفة وتشويق=واحساس سابق في عيونه كلامه نسى وهو يقرا وجيه المطاليق=انه يبدي قبل وصفه سلامه سلام مزهر حب من دون تنسيق=خارج سهو من سحركم عن نظامه ياللى فضاكم يشبع الشعر تحليق=وبسمة رضاكم شاف فيها مرامه وبشاشة تلت حبال المعاليق=تل الرشا بذراع راع العمامه وبديت اهيجن وافقد الوعي وافيق=لا صفق الجمهور لاهة ندامه وارجع واجر الآه واقص بالريق=من قلب نبض الشوق صحا سهامه على امل ما جرته يوم تحقيق=ويضاف للخيبة وتكسر مقامه كل الصور تفنى بحرق وتمزيق=وتصهر ورود الشمع شعلة ملامه الا انت حالة نادرة في المخاليق=محفوظ بين القلب واضعف عظامه كفخت بجناح العيون المشافيق=عفت الظيا واخترت طرد الحمامه فتحت بيبان الضلوع المغاليق=لو دس راسه خوف فرخ النعامه ما كنك اللي خان كل المواثيق=وعهود تمرها بظل الغمامه وما كني اللي كنت ما اسمع ولا ويق=واخرجت قلبي عمد عن اعتصامه كم سقت رجلي عن دروب الهوى سيق =وما مال ظلي عن رصيف السلامه وكم لا ابررها بحجة وتوثيق=لدرب الغرام وضاع عمري غرامه اقضي الليالي بين انسي وما طيق=سندان شوق ومطرقه من كرامه تعبت تمزيق ومدامع وتلزيق=لصورة بداية حب كانت ختامه احوز عزة نفس تشرف على طويق=وافوز شوق وينحدر بي تهامه متى تجيبك في طريقي التوافيق=قل يا هدف شعري وذروة سنامه اقرا بيان القلب من دون تعليق=ومدد المستوطن رضاك الاقامه
