في ليلة من ليالي الوفاء .. منسوبو المعهد الصناعي يحتفلون بزملائهم المتقاعدين

في ليلة من ليالي الوفاء والتقدير احتفل منسوبو المعهد الصناعي الثاني بجدة الأسبوع الماضي بمناسبتين عزيزتين على كل منهم حيث كانت الأولى منها استقبال مديرهم الجديد الأستاذ فيصل بن عقيل بن كدسة، أما الثانية فكانت لتوديع عدد من زملائهم منسوبو المعهد المتقاعدين على شرف الدكتور راشد الزهراني رئيس مجلس التدريب المهني بمنطقة مكة المكرمة فيما كان المكرمون هم: حضيض الشيخ، محمد عويد، عبدالغفار بنجر، محمد المحمادي، محمد حسن الجهني وبركة السلمي.
أعد للمناسبة برنامج خطابي حافل تولى عملية تقديمه الأستاذ ياسر الغامدي فيما تخلله عدد من الكلمات لكل من نائب مدير المعهد الأستاذ سعيد الزهراني ومدير المعهد الأستاذ فيصل بن كدسة كما كان هناك كلمة للمتقاعدين ألقاها نيابة عنهم الأستاذ محمد عويد وكلمة أخرى لرئيس المجلس الدكتور راشد الزهراني وقصيدة للشاعر عجب الطيار رئيس قسم الكهرباء الصناعية بالمعهد تم بعدها تقديم الهدايا التذكارية للمحتفى بهم ودعوة الحضور لتناول مأدبة العشاء المعدة لهذه المناسبة.
ولما تضمنته قصيدة عجب الطيار من مشاعر صادقة سلط من خلالها الأضواء على المناسبة بشكل واسع ندعوكم لمشاركتنا قراءة ما جاء فيها.. حيث يقول:
بديت بإسمك ياكفيل الخلايق=يامفرج الكربات عن كل ضايق
يامن بذكرك جاعل البال رايق=وقرآنك المنزل شفاء القلب ودواه
سعادة الدكتور راشد تراحيب=سعاده الاستاذ فيصل مسا الطيب
اضيوفنا اهل الوفا والمواجيب=الجمع كله اسعد الله ممساه
جمعتنا يالله بنخبه جليله=جل العمر ماهي سنين قليله
واليوم اعلن كل منهم رحيله=من بعد خدمه للوطن دام مبناه
هذا مصير الكل مهما عملنا=واللي وصلهم بعد بكره يصلنا
ولو كان دامت قطرها ماوصلنا=ينزل سلفنا والخلف حل مرقاه
لاشك ماهان المفارق علينا=ولاعليكم بس ماهي بيدينا
واحنا بهالفُرقه جميع ابتلينا=والحى بأمره لو بعد حين تلقاه
بالذات يوم اذكر حضيض صديقي=خوي جنبي في مسيرة طريقي
القاه في يسري وعسري وضيقي=وايضاً يلاقينا حسب ما لقيناه
عزالله اني بعد عشره فقدته=وقليل في حقه كلام ذكرته
اقولها صادق وعلمي ثبته =لوالعمر باليد كنا قسمناه
ومحمد عويد عسى الله يديمه=متميز بعفه وطيبه وشيمه
بيناتنا صحبه وعشره قديمه=الله يعينك يالعسيري بفرقاه
في القسم دايم لافقدته تشوفه=مايوم ابدى للخلايق عزوفه
استاذ فالمهنه وهذي هدوفه=خرج كثير اجيال والرب يجزاه
وبن فرج ادعو الاهي يشافيه=راعي وفا والكل يعرف مباديه
واحفظ له ابنه واللي جاله يعديه=ومنهو التجا للرب بالعون شافاه
ولزوم يالبنجر نكرمك ونشيد =زميل في الغربه خوي جنب صنديد
تشهد على عمق الصداقه هدسفيليد=وماضي جميل في اكستر مانسيناه
وبركه نقوله طاب سعدك وفالك=تقضي اللزوم لكل منهو ندالك
ولكل ماتصبو يحقق منالك=دربك خضر يامن على الطيب نحساه
وبالامن يامحمد حسن يشهدولك=صنت الامانه بالفعل قبل قولك
وان دل هذا من مزايا كمولك= نفخر بمثلك لاذكرنا مزاياه
ونقول للى شرف الصرح اهلين =ان ما يسعك القلب تاسعكم العين
فيصل ويانعم الزماله ونعمين=والطيب يأهل الطيب فى الوجه مرآه
رجل تحلى بالتواضع والاخلاق=وله ابتسامه فى القبل تشرق اشراق
هذا بوعبدالله ولا اقولها نفاق=والمدح واجب في مثيله وشرواه
ولرئيس المجلس تحيه وتقدير=دكتورنا راشد نقول لك مساالخير
شرفت معهدنا ونورت تنوير =وزان الحفل بحضورك اللى عهدناه
الله يعينك والامانه كبيره=ويدير مجلسنا معاهد كثيره
والكفؤ في كل موقع يديره =حيث يتوجه راعي العلم رقاه
واختم كلامي بالصلاه والف تسليم =على النبي اعداد ماغيم الغيم
وامطر وخيره عم كل الاقاليم =شفيعنا يوم الحشر والملاقاه