طال انتظارك

وانتظاري على نار
(جدّلت) ليل الشوق حب وسهرتك
جمعت لك كل السوالف والاعذار
من زود شوقي مايئست…وعذرتك
حلّ الظلام وقلت ياقلب (زوّار)
مزقت/كراس الالم/وانتظرتك
فرشت لك درب اللقا ورد وزهار
كن الخُطى قالت:تراني اسرتك
شفت الزمن من وقتي الزين يختار
ياصبر باقي..صبر ياما صبرتك
اخذت من عمري عمر كله امرار
وانا جمعتك شوق../عدت ونثرتك
ماخذت ميثاق الغلا بس مشوار
او جملتين(احساس زور)وشكرتك
صار(انتظاري)حلم ليلٍ به اسفار
مدري انا اللي عدت ../والاخسرتك
ياموقفي(صورة) من الامس تذكار
كلك ابيك ولو بغيت اختصرتك
طويت صفحات الحكايا والاسرار
ودار الزمان وكلما دار درتك