تقوم لنا بالسلامة

نبتدي بالسلام وغاية الاحترام=وبسم رب البرية بالوفاء نبتدي
وآتشرف بتسليمي لعالي المقام=وأنثر الورد بالتسليم لك سيدي
يا ابن عز الملوك اللي ردع بالحسام=كل طامع حقود وكل ظالم ردي
لو نوى الملك باغي ضاع وسط الزحام=ملكنا ما يبي باغي و لا معتدي
مُلْكَنا بيِْد أخو نوره كريم الذمام=وفي ملوك سموا به فوق نجم الجَدي
هو زعيم البلاد بحرب ولاّ سلام= صاحب الفضل والحكمة وكفٍ نِدي
بالشريعه حكم بالحِلّ دون الحرام=وارتضى الناس حكم الحاكم المهتدي
وانجلى النور بالدوله وزاح الظلام=و اسبل الخير في داره وجاه يعدي
يا ملوك الجزيره يا الملوك العظام=يا الملوك العريقة و الزمن سرمدي
جيت اقدم تحياتي واثنّي السلام=و الوفا نبض قلب و رايته في يدي
يم سلطان جيت وقاصده ما يضام=امس واليوم والا في نهار الغدي
نذكرك بالقصيد ونذكرك بالكلام=وصدق قولي يجلي بالوفا مقصدي
يشهد الله حبك فوق صدري وسام=و الولا في عروقي سابقٍ مولدي
نافحٍ طيب صدري بالنفل والثمام=حب مع كل نبضة قلب يتجددي
العيون بغيابك ما اهتنت بالمنام=وكن الأرواح قفرٍ مجدبٍ جرهدي
وجيت ياغيثنا سلطان بدر التمام=و اسبلت ديمة الفرحة وهل بْردِي
افتدي سيدي و آشيل عنه السقام=و ابذل الروح وافدي سيدي بجْسدي
انتظر في امل لقياك في كل عام=واترجي وجاني بالفرح موعدي
ويوم جت فرصتي قلنا نفك اللثام=عن شعور عصامي والبساط احمدي
يا كريمٍ و جُوده مثل وَبْل الغمام=يا عزيزٍ يمينه بالعطا تبتدي
يا حكيمٍ و رايه فوق حد التمام=يا كفيل اليتم و مُكرم الموفدي
يا أمين الرعيه ساهرٍ ما تنام=يا أمير القلوب بطبعك الآجودي
فيك نور العيون إذا استلجّ الغمام=لا تعامت عيون ولا انكسر مرودي
طِبت يا منتهى الغايه وشيخ الكرام=وعشت يا القايد المحبوب ياسيدي