تفاصيل البراءة

يِمرْ الما على شفاهْ اليباسْ وينبت / النّسرين=وامُر البالْ/ باحْلامه غديرْ وغيمةٍ خَجْلَهْ
أَفِكْ ازْرارَها يِتْلَعْثَمْ بْهذا الخجل ( تشرين)=أَفزّز من عصافير الحكي عصفورهْ لأَجْلَهْ
أسولِفْلَهْ عن أحْلامي عن احْزاني عن ال / تّكوين=عن أوّل دمعةٍ هزّت عُيوني وِحْدَرَتْ عَجْلَهْ
أَشَكّلْ من تراتيل الغلا / معزوفة التّلوين=ألوّن في شَغَبْ طفله /أَضِجْ احساسْ من أَجْلَهْ
تعال بْشرفةْ ضْلوعي/ تعال وْطَيّرْ التّخْمين=وِخَلّكْ جانبي مِثْلَ الفَرَحْ تَعْويذَهْ بْ حِجْلَهْ
تعالْ وْشاغب احْساسي ولاتسأَلْ / مِدانا وين؟=مادام الطّهْر يِتْمَرْجَحْ مابين ظْروفِنا الوَجْلَهْ
تعالْ الطّفل واجيلِكْ براءهْ تِسْتِفِزْ الطّين=تعال وْغَمّضْ عيوني وِغرّقني كما / دِجْلَهْ
وِتِسْأَلْ :مين انا ؟ ..واضْحك : تِصدّق ماعرفتك مين!!=وتضحك / تفتح عيوني :أحبك موت يا ( نَجْلَهْ )
تِوَحّشْتْ التّفاصيل الصّغيرة بيننا الاثنين=تعال امْلا تفاصيلي / حكايا معشبة هَجْلَهْ
تعال انبتْ على شفاه اليباس وعلّم النّسْرين=بِأَنْ الصّدق بِعْيونك / قميصْ الغيم / يُنسَجْ لَهْ