(الله اكبر)

شاعر النظم والمحاورة الجميل عبدالله بن عايض القثامي خص ( ملامح صبح ) بقصيدته ( الله اكبر) التي ضمنها بعض النصائح الوعظية استشعارا منه بدور الشاعر ورسالته تجاه ابناء المجتمع.ومع شكرنا ل..( ابا سلمان ) ندعوكم لتشاركونا المتعة بالنص وشاعره حيث يقول:
بسمك الله خالق الكون رب العالمين=نبتدي والجابه الطيبه نبدابها
ياالله إكتبنا من المومنين الصالحين=والسلامه تكتب إلنا جميع أسبابها
الله اكبر ياليالي ودورات السنين=ماحدٍ فوق البسيطه سلم من نابها
وأسمحولي ودي أنصح ولو بكلمتين=النصيحه سلمٍ للعلا نرقابها
ألصلاة وطاعة الله ورضى الوالدين=وآهني اللي جمعها وفا وأوفابها
وصلة الا قراب وصابها طاها ألأمين=عزة ألأقراب دآيم بوصل أقرابها
وفيه حاجه مشكله هينه عند الذهين=الرزايا بين الاقراب من يرضابها
وألمشاكل والخطاء والرداء بينالثنين=يلعن الله خنجرٍ حدها بجرابها
الرزايا بين ألأقراب بساب العين=لو لعنّا إبليس هانت وقفل بابها
كلنا نجهل وندمح خطايا الجاهلين=ومن تعرض للجهاهيل لايبلآبها
بالتفاهم والمرونه اصلح المصلحين=إلتمس لخوك ألأعذار وأنت أدرابها
إقبل أنصاف الحلول زين الدعوى تزين=الشراره عقبت نار يا شبابها
كلبونا إخوان في الدين بسم المسلمين=واللحا ياهل اللحا عزها بشنابها
وفيه حاجه ثانيه يالرجال الغانمين=المهور الزايده وش تكون أسبابها
هونوها لاتزيدون فوق الدين دين=فيه ناس المال لو تجمعه ما ثابها
وأنت يابو البنت خابر وسيد العارفين=الليال السود يارجل مايسرابها
يا تجاجير البنات التجاره وين وين=أحسبو في غير بيع البنات حسابها
والمراجل والرجاله تبي ذرف اليمين=الحقيقه ما تجى الالمن يشقابها ب
الادب والعرف والدين والعقل الرزين=حي من هو هامها بالذراع وجابها
ماطيب اللي في حياته جمع دنيا ودين=من جمعها في حياته يبى يهنابها
والحياة اللي بلادين حتى لو تزين=باهته حتى الحيوان ما يحيابها
والف صلأالله على سيد كل المرسلين=عد من كبر بمكه ومن صلابها