اللاهي

كنت مشغولا في كتابة أحد النصوص واتصل بهاتفي أحد الأصحاب وهو ممن يجيدون التحدث بالجوال معك طويلا بدون كلل أو ملل
ولم أستطع الرد عليه ولكن وجدت قلمي يرد عليه بالأبيات الآتية بدون تخطيط مسبق لها
أرجوك ياللي تكلمني وأنا لاهي=لفكر مشغول قفل لاتقاطعني
هي فرصة سانحه ماعندي إلا هي=إنما تغانمتها وإلا تودعني
تشويش الأفكار يؤصل حده الناهي=ويغوص بي في المحيط ولا يطلعني
مرات أورد ركابي عد الراهي=تشرب من العد والساني يطاوعني
ومرات أوده لها وتكب وداهي=تقول ماهيب لا ودهت تسمعني
ما غير أجامل على الشدات متباهي =عزيمتي فوق هام السحب ترفعني
هني من خاطره طول الدهر ساهي=يسرح ويضوي ولايعني ولايعني
إن حصل الزاد ماينشد عن الطاهي=وإن جيت تبغي ترده قال لك دعني
يعيش في هامش التاريخ متلاهي=مالا وعته الهجوس اللي تلا وعني
ولانيب ربه ولا أدري تربته ماهي=ولكن تصراف بعض الناس يوجعني
لي وجهتي من يبي يعرف توجاهي=إما يعارض عي وإلا يشجعني
أهوى المعالي وأجنب خوة الفاهي= ولي سكة مع سلوم البدو تجمعني
والطيب أفديه من مالي ومن جاهي=حقا علي نفعته وإن جيت ينفعني
ما هيب حرفة مدورة التسفاهي=اللي تجماعهم لو كثر ما اقنعني
وأهل الصور لو تقدم لونها الزاهي=تزوير وإلا حقيقي ما يزعزعني
الداهية ماتجيك إلا من الداهي=يالله بعفون مع الإبرار ياسعني